Uppistova

Uppistova hevur tlf. 292181

Í Uppistovu ganga 17 tey elstu børnini á stovninum í aldrinum 6-7 ár. Her kanst fylgja sindur við hvat hendur í okkara gerandisdegi.

Elisabeth Hentze

Námsfrøðigur

35 tímar

Sørin

Námsfrøðingur

40 tímar

Eir Pálsdóttir

Hjálparfólk

15 tímar

Turið Teitsdóttir

Hjálparfólk

20 tímar

Felagsmynd av børnum og starvsfólkum, Eir manglar á myndini

Góðu børn og foreldur í Uppistovu

Sum tit øll vita, so er Barnagarðurin við Velbastaðvegin latin aftur vegna korona smittu, og hevur verði niðurlagdur nú í tvær vikur. Tey bæði smittaðu hava sitið í avbyrging í tvær vikur, og eru nú frísk og sloppin heim úr avbyrging.

Somuleiðis hava øll starvsfólkini, sum hava verði í samband við tey smittaðu, sitið í sóttarhaldi. Tey eru eisini sloppin úr sóttarhaldi nú.

Vit fylgja leiðbeiningunum frá Heilsuverkinum og Heilsumynduleikunum um at taka Covid19 smittuna í álvara, og eru vit fyrivarin her á stovninum. Bæði tá tað snýr seg um reinføri og atburð í mun til at smittuna.

Starvsfólk eru tó aftur tøk í Uppistovu, um nakað foreldur skuldið havt tørv á ansing. Tit verða vinarliga biðin um at seta tykkum í samband við Monu dagin áðrenn tit ynskja ansingina, soleiðis at vit fáa lagt til rættis.

Vit sakna tykkum øll, bæði børn og foreldur. Vit hava havt nakrar verkætlanir fyri várið, so vit vóna at vit sleppa at seta summar av hesum í verk saman við tykkum.

Vónandi verða vit so heppin at sleppa at síggjast aftur skjótt.

Várð er ein vøkur og herlig árstíð. Blómur spretta, sólin skínur og alt livandi lívgast og veksur. Nógv kunnu vit læra av hesi lívsjáttandi tíð.

Góðu tit, ansi tykkum væl, vaski og spritti hendurnar og hugni tykkum saman heima:)

Bestu heilsanir frá okkum fýra,

Sørin, Elisabeth, Eir og Turið:)

Skiftiklæðir

GG!

Góðu foreldur,

Vit vilja gera tykkum vart við at veðrið gerst kaldari, og tí vilja vit minna tykkum á at hyggja í gardurobuna hjá barni tykkara. Har skal verða nokk av bæði skiftiklæðum og útiklæðum. 

Her er eitt yvirlit yvir hvat børnini eiga at hava í garderobuni hvønn dag:

Útiklæðir

1 kavadrakt

1 sett av regnklæðum

1 par av gummistilvum

1 par av góðum skóm at ganga í (nú eru vetrarstilvar aktuellir)

1 par av vøttum/handskum

1 góð húgva

1 heit troyggja

1 heitur jakki

1-2 pør av tjúkkum hosur

Skiftiklæðir

2 pør av undirbuksum

2 pør av sokkum

2 buksir

2 blusir

Fyri at gera alt lættari vil eg minna tykkum at hyggja í gardurobuna av og á fyri at tryggja tykkum at barn tykkara hevur alt tað tørvar av klæðum her á stovninum.

Takk fyri :)

Vh. Sørin, Elisabeth, Eir og Turið

 

 

Góðu foreldur, 

Í dag er 6. novembur. Í nátt hevur kava, so í dag er kalt, men sólin skínur og eingin vindur er. Ein deiligur dagur. Vit hava øll verði væl ílatin í heitum jakkum og kavadraktum, tá vit gingu niðan í Musikkskúlan at venja tónlist. 

Seinastu vikurnar hava vit gjørt nógv ymiskt og spennandi.

Vit hava millum annað flett, verði á ymiskum søvnum tá Savnsvikan varð (í heystferiuni).

Vit hava gingið túrar, kvæði "veturin kom við kulda og kava..", gjørt ítrótt hvønn mánadag á Háskúlanum og seinastu 3 vikurnar hava vit eisini fingið musikk undirvísing á musikkskúlanum. Vit hava lært góðar og stuttligar sangir har vit eisini gera rørðslur saman við. Vit hava lært at spæla  á klokkuspæli og eisini at rista við risti-eggum. Her læra vit eisini at lurta og at hugsavna okkum- nakað, sum vit hvør í sær halda er torført og skulu venja okkum við. Men aftaná 3 vikur, eru vit longu blivin betur, hóast vit enn læra.

vit hava eisini tekna, mála, klipt, skrivað søgur, sungið nógv og lisið bøkur. Hesa vikuna lesa vit um Kardamummubýin meðan vit eta matpakka. 

Komandi viku verður altjóða lesivika og hetta fara vit at gera okkum dælt av. Temaði hetta árið, er "Pippi" hjá Astrid Lindgren og vit gleða okkum at fara í djúbdina og at kanna alt um "Pippi".

Ígjár.(5.novembur)spældu nøkur av børnunum ein stuttligan sjónleik og vit tóku nakrar stuttligar myndir, sum vit gjarna vilja leggja út á heimasíðuna. Av tekniskum orsøkum, riggar tað ikki í dag, men vit skulu royna at fáa myndirnar út sum skjótast:)

Vónandi kunnu tit bera yvir við okkum.

Vit halda áfram at hugna okkum í novembur, vit hava ymiskt spennandi á skránni. Vit halda tykkum upplýst. 

 

Vh, Sørin, Elisabeth, Eir og Turið

 

 

Listaskálin og Collagu-List

OMANFYRI ER MYND AV BØRNUNUM SUM VÓRU TIL SAVNSFAGNA Í LISTASKÁLANUM.

Fleiri myndir hanga á plakatum á veg niðan í Uppistovu

Listasavnið, læran um collagu-list, at eta saman við dunnunum og so at jarða ein deyðan akvariufisk í ánni í Viðarlundini.

Týsdagin 15 oktobur vóru bert 7 børn í Uppistovu, og av tí at savnsfagnaður er hesa vikuna, avgjørdu vit at fara ein túr niðan í Listaskálan. Vit koyrdu í bussi til Steinatún og gingu síðani niðan í Listaskálan gjøgnum Viðarlundina. 

Nú varð tað so,  at ein fiskur varð funnin deyður í akvariunum hendan morgunin. Tá Ióan kom í barnagarð, sá hann fiskin liggja lívleysan og flóta undir yvirflatuni. Vit valdu at fiska hann upp, og Eydna A gjørdi eina eskju at koyra fiskin í. Vit kallaðu hann "Bollin" og vit avgjørdu at taka hann við okkum á ævintyraferðina niðan í Listaskálan. Hann skuldi jarðast í Viðarlundini, soleiðis at hann fekk ein virðiligan enda. 

VIt valdu at opna kistuna og Eydna slapp at sleppa Bollanum í ánna, har vit mettu hann hoyrdi heima. Vit sóu hann sigla avstað við streyminum og hugleiddu um hvar hann mundi enda. Kanska hann bleiv etin av einum síli og bleiv ein partur av tí, kanska hann fór til jesuspápan.. Og so lat í einum, at hann helt at kanska Bollin fór at verða ein blæða í sínum næsta lívi og so flentu vit øll.

Komin niðan til dunnurnar, varð døguratíð, so vit valdu at eta matpakkan saman við dunnunum og har sótu vit so og notu dunnugvagg og lekkru matpakkarnar. 

Komin niðan í Listaskálan lærdu vit, at vit ikki skuldu larma ella nerta við listaverkini. Hetta vóru sera virðismiklar myndir. Vit lærdu at á Listasavni hyggur man bert at myndunum.

Verkætlanin á Listasavninum varð at fáa børnini at læra Collagu-list, og hetta varð nakað, sum børnini vóru sera áhugaði í. Elisabeth og Turið vóru ovfarnar av hvussu børnini fordjúpaðu seg og hvussu væl tey dugdu at skapa ymiska list. Vit hugnaðu okkum nakað so nógv og fingu okkara listaverk heim við.

Vit fóru eisini inn í konteynaran hjá Tróndi Paturssyni og har var so vakurt. Sum at verða í rúmdini, segði onkur. 

Vit fóru síðani aftur í barnagarðin við Velbastaðvegin. Og hetta varð so søgan um ein kaldan oktobur týsdag, sum bleiv ordiliga stuttligur og læruríkur. Vit fara heilt sikkurt at arbeiða meira við Collagu, so gleði tykkum foreldur, at fáa góð listaverk at prýða tykkum heimini. 

Heilsan Turið & Elisabeth.

 

Bókasavnsvalið 2019

27/8-2019 vóru fóru vit við bussinum oman í býin. Tað varð nemliga barnaval á bókasavninum!

Vit høvdu hoyrt nógv um løgtingsvalið í útvarpinum og heima hjá foreldrunum, so vit vóru so sera spent at sjálvi sleppa at velja. Og tað besta við hesum valinum varð at eingin vaksin sloppu at velja- bara børn!

Veðrið varð av tí allar besta, so áðrenn vit fóru á bókasavni, spældu vit í Grasagarði.

Tá vit komu á bókasavnið, greiddu Elisabeth og Søren frá um ymisku valevnini og hvat tey lovaðu at broyta um man valdi tey. Nógv stillaðu upp. Herviligi Henry, Pippi, Vitello, Klemmiligi Klæmint og nógv onnur- eitt høvdu tey til felags. Tey vóru øll tekniseriufigurar úr ymiskum søgum. 

Vit fingu ein valseðil og so fóru vit aftur um nakrar gardinur. Vit settu kross við, ein og ein. Síðan koyrdu vit seðilin í ein kassa. Tá vit øll høvdu valt, ótu vit matpakka á bókaksavninum. Turið læs okkum eina søgu. 

Eftir eina góða viku varð løgtingsvalið av. Tað hugsaðu tey vaksnu nógv um, men vit merktu ikki so nógv til tað annars. Men vit vóru fegin tá vit fingu at vita at Pippi hevði vunnið Barnavalið á Bókasavninum. Hon lovaði nemliga at um hon varð vald, skuldi hon syrgja fyri at vit skuldu fáa longri summarferiu!

Søren, Elisabeth og Turið

GG! Myndirnar av barnavalinum hanga í trappugongini á veg niðan í Uppistovu, og tær koma eisini at verða í mappuni hjá hvørjum einstaklingi. 

Barnagarðsvalið

Barnagarðsvalið 30 August 2019

Í samband við løgtingsvalið, høvdu vit 30 august eisini val í barnagarðinum. Vit vóru 58 børn til valið, og barnagarðsleiðslan hevði trý valevni at vejla í, nevnliga Gutarót (Mona), Popkorn (Eir) og Ís (Barbara). 

Børnini sótu friðarlig og lurtaðu meðan valevnini greiddu frá og lýstu við, hví børnini skuldu velja tey. Gularót segði at tað varð sunt at eta gularót, varð gott fyri eygu, húð og heilsu og mangt annað.

Popkorn fortaldi at popkorn varð partur av elligamlari matmentan hjá indiánarum av fyrstan tíð. Og hvør tímur at fara í biograf uttan popkorn? so deiliga vælsmakkandi og salt og hugnaligt at eta. 

Ís lætst at reklameringini av gularótini og segði at ísur varð nógv betur, smakkaði betur og gav góða orku, tí nógv sukur er í ísi. "Um man er móður og skal orka betur, so skal man fáa sær ís, tí so orkar man nógv betur beinanvegin!"

So fóru børnini á val, og tá valið varð av, skuldu avkvøðurnar teljast. 

Ísflokkurin vann valið, og fekk heili 34 atkvøður, popkorn fekk 20 og gularót fekk einans 4 atkvøður