Miðstova

Miðstova hevur tlf. 292188

Í løtuni ganga 18 børn í aldrinum 3-6 ár á Miðstovu. Her kunnu tit fylgja eitt sindur við hvat hendir í okkara gerandisdegi.

Ingibjørg

Námsfrøðingur, varaleiðari

30 tímar

Maria

Hjálparfólk

35 tímar

Bjørg

Hjálparfólk

35 tímar

 

Jenny

Námsfrøðingur 

30 tímar 

Í farloyvi

Túrur í frálíkum veðrið

Mikudagur 17. Juni 2020

Í dag hava vit verið ein túr í viðarlundini. Vit høvdu matpakkarnar við okkum og ótu har. Vit klatraðu í trøðunum og sjálvandi fingu dunnurnar eisini bollar frá okkum. 

- Vit í Miðstovu

 

Regn dagur

Týsdagur 16. Juni 2020

Í dag hava vit spælt úti í regninum. Húsavørðurin spulaði okkum garðin og tí fóru vit í regnklæði og tendraðu bæði krana og havaslangu í garðinum. Ein ordans regn og runu dagur í dag og vit hava hugnað okkum so nógv. 

- Vit í Miðstovu 

Garðdagur

Mikudagur 3. juni 2020

í dag hava vit havt garðdag fyri børnunum, ið ganga í bargarðinum og vøggustovunum. Vit hava gingið á línu, kasta bóltar, sungið sangir við Jenny, ið kom at spæla gittara fyri okkum, afturvið sanginum fingu vit vafflur frá Judith. Vit hava eisini smíða, og sátt ymiskt grønmetið og blómur. 

Um matpakkatíð grillaðu vit lekkrar pylsur og sneisabreyð, og aftur við fingu vit sunkist. 

Takk fyri ein góðan garðdag øll fittu børn :)

Gongutúrur í regninum

Mikudagur 20. mai 2020

Vit vóru ein gongutúr í regninum. Vit gingu niðan framvið Sandá og yvirum brúnna, vit sóðu fleiri fitt smálomb og eitt fitt dunnupar. 

Hey góðu børn og foreldur í Miðstovu

Her er ein lítil heilsan frá okkum í Miðstovu. 

Nú er langt síðani vit sóust og ikki er gott at vita nær vit sleppa í barnagarð aftur, men vit vóna at tað verður skjótt. 

Vit, Eir, Bjørg, Marie og Ingibjørg "hittast" viðhvørt á "skype fundi" og vit allar leingjast so illa eftir tykkum øllum. 

Vónandi hava tit tað øll gott, og við nøkrum myndum av góðum løtum í barnagarðinum vilja vit ynskja tykkum øllum einar gleðiligar páskir. 

Heilsan vit í Miðstovu :) 

Fastalávint

Fastalávints mánadag komu øll børnini grýluklødd og klár til dagin. 

Vit slóðu tunnu, og at enda gjørdist tað Finn Helgi, ið slóð hana niður og gjørdist kattakongur. 

Aftaná tunnuslátturin fingu børnini skrúvur og kjøtsós til døgurða og omaná fingu tey føstulávintsbollar. - og eisini ein haribo bommpakka í part, ið datt úr tunnuni. 

Hetta varð ein væl eydnaður dagur, ið vit eru sera glað um. 

Heilsan vit í Miðstovu 

Ingibjørg, Marie, Bjørg og Eir 

Sansir og berar tær

Tá ið illveðrið herjaði í vetur, var ein glotti inn í millum og so var, at renna út og fáa fríska luft og merkja kulda, sand og smásteinar undir iljunum. 

 

Vitjan umborð á Norrøna

Tann 9. desembur vóru vit og vitjaðu umborð á Norrøna. 

Vit fingu ein rundtúr, har vit millum annað sluppu inn til skiparan, at síggja fangarúmið o.s.fr.

Vit fingu pitsa og sunkist til døgurða frá matstovuni umborð. 

Hetta var ein sera hugnaligur dagur, hóast summi vóru heldur skuffaði um at vit fóru í land í Føroyum aftur og ikki í Danmark. 

 

Miðstova 2019/2020

Vit vóru so heppin, at øll børnini í Miðstovu vóru í barnagarð hendan dagin. Tískil máttu vit taka eina felagsmynd, av øllum teimum fittu børnunum. 

Túrur í frálíkum veðri

Mánadag vóru vit ein túr í Sandagerði, har vit spældur við neystini. Har funnu børnini mangt og hvat og vassaðu. Eisini ótu vit matpakka har. 

Mini OL í barnagarðinum

Í dag skipaðu nøkur vaksin fyri eini stafett, har børn kappaðust um at renna vit vatnið og oysa í eina balju. Børnini vóru í tveimum liðum. Tey allarflestu kappaðust við, meðan onnur stuðlaðu og róptu frá síðulinjuni. Tað var sera spennandi og at enda kappaðust tey vaksnu eisini. 

At enda vunnu øll hvør sína medalju.

Tað eydnaðist ikki at fáa øll á mynd.

Mai mánaður

Meðan tey elstu fóru til rørslufagnaða í Gundadali fóru vit onnur ein túr at heilsa uppá seyðin saman við Uttarustovu. Teir ótu fegnir breyð úr hondunum á børnunum og lombini vóru so elskulig. 

Vit hava eisini spælt ymisk spøl úti í garðinum, tí vit hava havt fokus á sangspøl.

Mánadagur í apríl

Í morgun sáddu vit ymiskar blómur og annað grønt, sum vit vónandi sleppa at eta burtur av í summar. Vit hava notið tað góða veðrið og nøkur vóru eisini ein túr niðri í ánni. 

Apríl 2019

Her eru myndir av nøkrum túrum, sum vit hava gingið í seinastuni og øðrum løtum. 

Vit hava havt okkara seinasta túr á Háskúlan og seinasta 'Opið hús' fyri hesa vetrarhálvuna. 

Torkil hevur sín síðsta dag hjá okkum í endanum av mánaðinum tí hann flytur niður til Danmarkar. Vit hava verið sera glað fyri hann og ynskja honum alt tað besta framyvir.

Løtumyndir

Ymiskar løtumyndir frá jan.-feb.

Túrur í Gundadali 7. januar

Mánadag vóru Bjarta, Lukas, Sverri, Birtha, Olivia og Sarita túr við Torkil og Jenny, har tey fóru við bussinum niðan í Gundadal. Har runnu og sparkaðu tey og ótu matpakka í bygdaskýlinum.

Vit eru sjálvhjálpin!

Ofta gloyma vit vaksin hvussu væl børnini duga sjálvi, um vit bara lata tey royna seg og eru klár at hjálpa, tá tað er torført. Fríggjadag fingu børnini sær havragrýn sjálvi og avgjørdu hvussu skuldi koyrast í av hvørjum. Onkur fekk sær ov nógv kanel, meðan annar koyrdi alt ov lítið av mjólk í. Men øll sluppu at royna seg og blivu klókari.

Í roynd og veru duga tey nokkso væl!

 

 

Jólini 2018

Í desember var nógv á skránni m.a. violinkonsert, jóladekoratiónir, klippa jólapynt, jóladøgurði við røstum kjøti. Eisini vóru Snøkil og Snáka á vitjan heima hjá børnunum. Teimum dámdu so sera væl at hoyra hvat tey høvdu upplivað og gjørt hjá teimum einstøku børnunum :)

 

 

Vit mála 28. nov. 2018

 

 

 

Mistova túr í viðalundini

Fyrr í novembur fóru vit øll ein túr. Vit tóku bussin oman í býin og gingu niðan í viðalundina. Har klatraðu børnini í 'Klintritrænum' eina góða løtu áðrenn tey góvu dunnunum breyð. Tað var eitt sindur vátt tann dagin, so træið var hált. 

 

 

Ein túrur við Marie

Ein mikudag í novembur vóru Ragna, Fríða, Ívar og Liam túr við Marie. Tey fóru oman í býin, har tey m.a. hittu ein fittan hund og fóru umborð á Norðlýsið. Síðani fóru tey út í Reyn at gevu teimum svongu hønunum hjá Marie o.ø. okkurt at eta.

 

 

18 fitt børn

 

 

 

Ymisk stuttlig spøl

Her síggja tit ymisk spøl. Nøkur verða uppbygd ein heilan fyrrapart við miklum samráðingum ;)

Eisini lesa vit "Søguna um risastóru peruna" uml. 2 ferðir um vikuna. Hon gevur eisini góðan íblástur til spøl, bæði inni og úti.

 

 

 

 

 

Oktobur 2018

Vit spæla nógv við heimagjørt modellervoks fyri tíðina.

So hava vit eisini verið fleiri túrar á spælikrókinum á Heygskróki. Har er ein stór reiggja, sum børnunum dáma væl. Tey spæla sjórænaraskip, rúmdarafar, syngja góðanáttsangir fyri hvørjum øðrum og skiftast at liggja/standa/koyra ferð. Eisini spæla tey leopardar/"babyleopardar" uppi í borgini

 

 

 

 

 

 

Juni

Í byrjanini av juni fóru vit eina útferð til Kirkjubøar, har vit m.a. vitjaðu Ingibjørg. Vit sóu hønur, kettur og smálamb. Og vit spældu eisini í garðinum.

Fyri tíðina dámar børnunum væl at at siga søgu inni í holuni, áðrenn vit eta matpakka. Her fyri spældu Hávarður, Ívar, Páll og Óðin ein sjónleik um nøkur spøkilsi, ið krasjaðu alla tíð. Tað var til miklan stuttleika fyri lurtararnir. (sum sæst á myndunum). Børnini læra seg at siga eina samanhangandi søgu, at standa frammanfyri øðrum og eisini at lurta eftir meðan onnur siga frá.

Vit hava eisini verið til violinkonsert inni í Góðustovu, har næmingar frá Skúlanum í Fløtum, ið fáa undirvísing í skúlatíðini, framførdu fyri okkum. Tað var stuttligt at síggja kend andlit og eina stórasystur ;)

 

 

 

 

 

 

 

Vika 20/21

Vit hava verið nógv úti í hesum góða veðrinum og her eru nakrar myndir frá túrum og øðrum frá seinastu tveimum vikunum. 17.mai valdu vit at hava ruddingardag. Vit ruddaðu øki hjá dagstovninum og rundan um. Børnini vóru sera røsk og íðin, m.a. funnu tey stykkir av røri, bommpappír og glas.

22. maj vóru Óðin, Hávarður, Ida og Eydna túr við Jenny og nøkrum frá Innistovu. Á veg oman móti býnum funnu vit eitt stað við sera sera nógvum hagasóljum. Vit ótu matpakka á trappuni í Vágsbotni, har tað bleiv tosað um Nólsoyar Páll og hví hann er úr jarni ;) 

Í viku 21 høvdu vit uttandura sangløtu meðan tað varð grillað. Vit sungu allar sangir, ið vit kendu.

 

 

 

Ùtivika/útispøl 18

Hesa vikuna fara vit at vera eyka nógv úti. Vit fara at spæla ymisk spøl og dansispøl. 

Týsdagin vóru Hávarður, Nóah, Páll, Fríða og Ragna ein túr niðri í bókasavninum.

Í dag hava børnini sett fræ niður og síðani spældu vit úti. Dansaðu "Vit ganga runt um ein baraldarunn", "eg gekk mær eftir bønum fram". Eisini spældu tey "Allir mínir høsnarungar" niðri á vøllinum.

 

 

 

Sandvika vika 17

Hesa vikuna hava vit sandviku, har vit fara at gera ymiskt, ið hevur við sand at gera. Nakrir sjórænanar hava mist ein skatt í barnagarðinum,so vit hava grivið í sandinum og funnið nógvir dýrgripir úr gulli, silvuri og skeljum.

Nakrar myndir frá stóru leitanini fyrrapart. Børnini gleddu seg at sleppa út aftur at finna meiri gull :)

 

 

 

Ymiskt frá mars/apríl mánaða

Nakrir dreingir ganga túr. Onkur vil bakka, meðan onkur gongur frameftir :)

Her eru eisini nakrar myndir av ymiskum, sum okkara kreativu børn hava gjørt. Vit klippa og klistra sera nógv fyri tíðina, og tað verður dúgiliga tosað runt um borðið ímeðan.

 

 

 

 

Vatnvika vika 16

Hesa vikuna hava vit vatnviku. Vit fara at spæla ymiskt, sum hevur við vatn at gera. Í dag høvdu vit vatnpistólar og eisini varð vatnbani settur út. Hetta dámar børnunum væl.

 

 

 

Mánadagstúrurin, vika 47

Hvønn mánadag ganga vit túr við nøkrum børnum. Hesa vikuna fóru vit øll somul oman í viðarlundina ein túr, í góða veðrinum. Har klintraðu vit og hugdu eftir dunnum, ið gingu í hálkuni. Onkur fann ymiskt at sminka sær við, greinar og ymisk bløð :)

Seinnapartin bjóðaði Ida kaku tí hon fylti 5 ár!

 

 

Vika 45

Vit rokast og spæla djór í Miðstovu

 

 

Vika 44. Oktobur.

Her eru nakrar myndir frá Miðstovu.

Vit eru eisini byrjað uppá at hava sansastimbran inni í Góðustovu hvønn mikudag um fyrrapartin, har einans trý børn sleppa inn í senn. Har skipar Simona frá vøggustovuni fyri ymiskum aktivitetum. Seinast var fótabað og fótamassaga á skránni :)

 

 

Vika 42

17. oktobur var tann stóri flettingardagurin! Børnini heilsaðu uppá lombini og góvu teimum gras áðrenn Sørin tók tey inn í súkkluskúrin at verða slaktað. Heri, Jákup og Sørin vístu børnunum og greiddu eitt sindur frá. Nøkur hugdu við stórum áhuga meðan Ingibjørg og Mona vaskaðu vembir :)

 

 

Vika 38/39

Her eru nakrar gerandismyndir frá stovuni og frá túri til Háskúlan við miðbólkinum. Heystið er komið og tað sást á bløðunum, sum tey stóru børnini heintaðu á Grasagarði mánadag. 

August/Septembur

Nú eru vit komin í gongd aftur á Miðstovu. Tey nýggju børnini eru komin væl inn í barnabólkin og teir føstu aktivitetirnir eru farnir í gongd. 

Týsdagarnir eru vit á Háskúlanum, har vit røra okkum og spæla ymisk spøl. Børnini fara saman við sínum árgangi, t.v.s. 2014, 2013 og 2012 fara hvør sær.

Annahvønn hósdag er sangløta í Góðustovu, har vit øll í barnagarðinum og tey stóru vøggustovubørnini syngja og spæla sangspøl. Aftaná heystferiuna byrjar "Opið Hús" hinar hósdagarnar, har barnagarðsstovurnar hvør sær bjóða onkran aktivitet/ítriv.

Her eru nakrar myndir frá august mánaði.

Heilsan Maria, Ingibjørg og Jenny