Innistova

Innistova hevur tlf. 292189

Í løtuni ganga 18 børn í aldrinum 3-6 ár á innistovu. Her kann man fylgja við hvat hendur í okkara gerandisdegi.

 

SO ERU VIT AFTUR

Hey øll tit!

Nú er aftur okkurt broytt á Innistovu, men nógv er eisini tað sama. Maria er komin aftur úr farloyvi í summar. Eitt sum vit eru hørm um, tað er at Súsanna, námsfrøðingur fór úr starvi á Innistovu. Vit eru glað fyri tær nýggjar avbjóðingar hon hevur valt at fara í holt við og ynskja henni alt tað besta. À Innistovu hava vit tí fingið ein nýtt hjálparfólk, sum eitur Jóna Alisa.

Tíverri hendi tað, at Kirstin breyt armin beint áðrenn hon skuldi byrja aftur eftir summarfríðtíðina. Hon er sjúkramelda í 8 vikur. Vit á Innistovu eru undir nógvar avbjóðingar bæði so og so, men vónandi kunna tit saman við okkum skilja hesa støguð og vera við til at gera stovuna, so góða fyri børnini at trívast og hava tað gott í.

ì løtuni hava vit tveir vikarar, sum arbeiða skiftivís. Ein námsfrøðingur, Hjørdis, sum arbeiðir Mánadag og Mikudag. Síðani hava vit ein annan vikar, sum eitur Sára og hon arbeiðir Týsdag, Hósdag og Fríggjadag.  

Vit eru 18 børn á stovuni. Jóna Alisa arbeiðir 35 tímar, Kirstin arbeiðir 32 tímar og Maria arbeiðir 35 tímar.

Vit fara nú at royna at dagføra heimasíðuna hvørja viku, og tað verður óiva ímóti endanum á vikuni (hósdag ella fríggjadag).

Siborg Arge

Námsfrøðingur, 30 tímar 

Jóna Alisa Joensen

Hjálparfólk 35 tímar

Kirstin á Fløtti

Hjálparfólk 32 tímar

 

Felagsmynd

Nú ein dagin tóku vit eina felagsmynd, tí at hetta var fyrstu ferð øll 18 børn vóru í barnagard, eftir summarferiuna :) 

 

 

 

 

 

Val 2019

Beint uppundir valið, sum varð leygardagin 31,August, so hvødu vit eisini val á barnagarðinum. 

Tað var sera spennandi fyri børnini, at sleppa at velja og hava ávirkan á hvør slapp at hava størsta ávirkan og sleppa at bjóða børnunum teirra val-evnið. . 

Tað stóð ímillum gularøturnar, ísarnar og pop-corn. Men tað varð sera klárt eftir at børnini høvdu sett sín kross, at ísarnar vunnu og sluppu tí øll børnini at fáa hvør sín rakett-ís til millummála. 

 

 

 

 

 

 

ymiskt í gerandisdegnum hjá okkum

Børnini á Innistovu dáma væl at verða kreativ. Tey teknað, klippað, perlað, límað, og alt møguligt annað. Vit hava m.a. við púturnar og eisini hava tey spælt nógv krógva og blunda.

Í spæli eru tey eisini kreativ. Tey spæla rolluspøl, byggja við klossum, lego, spæla dukkur og ymiskt annað eisini. Vit royna at skapa umstøður soleiðis at fleiri spøl kunnu verða í gongd samstundis uttan at tey forstýra hvønn annan.

 

 

 

 

 

 

Úti myndir

Hvønn dag eru vit úti á okkara deiliga stóra spæliplássið og spæla. Sum oftast fara vit øll út tá vit hava etið matpakkað. Børnini eru sera røsk at lata seg í klæðir sjálvi og vit stuðla teimum og hjálpa teimum eftir tørvi. Tað er altíð ein vaksin sum situr í gongini og vegleiðir børnunum. Tey eru eisini røsk at hjálpa hvørjum øðrum og vit royna at eggja teimum til at hjálpa hvørjum øðrum eisini.

 

 

 

 

 

Fastalávint 2019

Endiliga kom fastalávint. Børnini hava bíða leingi, og vit hava tær seinastu vikurnar pynta stovuna. Børnini hava klipt og líma fastalávintstunnur, sum hanga í vindeygunum. Vit hava tosað um hvat vit skulu klæða okkum út sum, so tað var so spennandi at koma í barnagarð í dag.

Sum tey vóru spent og fín tá tey komu.

Vit slógu tunnu, og tunnan vildi ikki bara ikki brotna, so tey vaksnu máttu hjálpa eitt sindur til. At enda bar tó til, tá Felix sló tunnuna niður. Ein deiligur dagur. Vit hava tikið myndir av øllum grýlunum.

Ein serlig heilsan til allar grýlurnar á Innistovu, sum liggja sjúk heima. Vit gleða okkum at síggja tykkum aftur tá tit eru blivin frísk.

 

 

 

 

 

OPIÐ HÚS

2. hvønn hósdag hava vit opið hús, og tá hava allar stovurnar í barnagarðinum ein skipaðan aktivitet, og børnini kunnu frítt ganga inn á allar stovurnar og gera tað, tey hava hug til.

Seinast valdu vit at hava andlitsmáling í Innistovu, tað dámdu børnunum sera væl. Onkur var eitt sindur varin í fyrstuni, men vildi verða málaði aftaná eina løtu.

Vit tóku nakrar myndir av málaðu børnunum.

 

 

 

 

 

Túrar

 

Her finna tit myndir av túrum, sum vit gera á Innistovu. Vit hava fleiri ymiskar túrar, onkutíð við øllum børnunum, aðrar tíðir við bara einum ávísum aldri, og onkutíð blanda vit børnini. Er veðrið til tað, dámar okkum væl at hava matpakka við.

 

 

 

 

 

Háskúlin

Hvønn týsdag millum 10 og 11 fer ein bólkur av børnum á barnagarðsstovunum. Vit samstarva við Uttarustovu og Miðstovu, og fara við einum ávísum aldri hvørja viku.

Av tí at vit hava OPNAR HURÐAR alla vikuna, og nakrar viðtalur hava verið, so fóru vit ikki á háskúlan hesa vikuna.

Komandi týsdag (vika 10) eru tað børn, fødd í 2014, sum fara á háskúlan.

Á háskúlanum gera tey ymisk rørsluspøl og venjingar, t.d. bólta rút, rulla, hoppa, lakka. Eisini spæla vit spøl, td fiskimaður og ymisk sangspøl. Vit laga aktivitetirnar til barnabólkin, soleiðis at øll fáa okkurt burturúr.

 

Føðingardag

Her liggja myndir av føðingardagsbørnum í Innistovu. Tá vit halda føðingardag fyri børnunum í Innistovu, flagga vit og skriva eina heilsan á talvuna. Vit gera eitt hugnaligt føðingardagsborð við fløggum og dúki, og sjálvandi syngja vit føðingardagssang fyri barninum. Tað er ymiskt hvat børnini bjóða, men ofta er tað ein skuffikaka, pyntað við bommum ella ís og ísvaflur ella bollar og kakao, ella muffins. Foreldrini avtala við starvsfólkini á stovuni hvat tey hava við og nær tað passar best.