Bláastova

Bláastova hevur telef. 292184

Í løtuni ganga 9 børn í aldrinum 1-2 ár á Bláustovu. Saman við børnunum hava vit fleiri skipaðar løtur gjøgnum dagarnar, bæði úti og inni, har vit hugsa um at børnini stimbra seg málsliga (td. lesa vit, syngja og seta orð á, hvat vit gera), kropsliga (eru úti í garðinum, gongini, Góðustovu, har vit ma. hoppa, rulla, klintra), sansaliga (eta sjálvi, spæla við/eta sand, vatn) og kreativt (mála, tekna, svansa). Í hesum ymisku løtunum deila vit okkum sum oftast upp í smærri bólkar.

Vit hava eisini onkrar løtur, sum ikki beinleiðis eru skipaðar, men har børnini sleppa at spæla frítt við tað, sum tey vilja, og við tað barnið/børnini, sum tey hava hug til. Tó er ´bakhugsanin´ altíð, at onkur menning er í gerð; afturat tí omanfyri nevnda, er td. samspæl og sosialar spælireglar - stutt sagt, at vit læra at vera saman á ein skynsaman hátt. Tvs. at stórt sæð alt tað, sum vit gera, hevur eitt endamál :)

Her á síðuni kanst tú fylgja eitt sindur við, gjøgnum myndir, hvat hendur í okkara gerandisdegi.

Herdis

Hjálparfólk

30 tímar

Fía

Hjálparfólk

20 tímar

Karlina

Hjálparfólk

20 tímar

Námsfrøðingur 35 tímar

Birita

Námsfrøðingur

35 tímar

Garðdagur :-)

Vanliga hava vit garðdag saman við foreldrum og systkum, men í ár bar tað ikki til, og tí høvdu vit garðdag mitt um dagin, men tað var eisini stuttligt, tí at vit bakaðu vafflur, gjørdu sneisadrýl og steiktu pylsur og vit blástu sápubløðrur. Tað var ordiliga hugnaligt og stuttligt.

 

Mai og gott veður

Tað góða veðrið kom endiliga og nú eru vit úti hvønn dag og njóta tað. Øll eru blivin so stór hjá okkum og nú tíma tey allarbest at súkkla við teimum stóru súkklunum og ikki at bara grava í sandkassanum.

 

Korona og apríl

Nú eru vit endiliga sloppin aftur í Bláustovu, og vit vaksnu hava glett okkum so nógv til at síggja tykkum aftur. 

Hóast at tað er øðrvísi at vera í vøggustovu nú, so hava vit roynt at gera gerandisdagin vanligan aftur.

Hesa vikuna hava vit gingið nógvar túrar og spælt nógv úti í garðinum, vit hava t.d. súkklað, reiggjað, trillað hvønn annan í vognum, blást sápubløðrur og spælt niðri í bønum.

 

Februar

Nú er februar komin og vit hava hildið føstulávint:-)

 

 

Januar 2020

Nýggja árið er byrjað, men veðrið hevur verið svingandi, so vit hava fyri tað mesta verið inni og spælt, men tá veðrið hevur verið gott hava vit verið úti og gingið túrar:-)

 

 

August :-)

Nú eru vit komin úr summarferiu og aftur í vøggustovu

Hóast at tað ikki akkurát hevur verið summarveður síðani vit komu aftur, so hava vit hugnað okkum úti í regnklæðum og inni saman við øllum hinum børnunum. Summi hava eisini verið niðri í bókasavninum og etið matpakka har:-)

 

 

Juni - og eitt sindur av summari og sól ;)

So komu vit inn í juni og summarveðrið... Ella ikki... :D Men vit hava jollað okkum bæði inni og úti, hóast tað; at vera væl ílatin í oysandi regni er fantastisk!

Vit hava ma. havt rørsludag, garðdag, verið til ABC-heilsudag í Gundadali, vit hava plantað ertrar, elstu børnini hava verið túr í Nólsoy - ja, eisini junimánaður hevur verið fullur av upplivingum, bæði stórum og smáum, her í garðinum og uttanfyri :)

 

Mai :)

Deiliga mai, við deiligum várveðri! Nú ber (við hvørt) til at fara út uttan kavadrakt, regnklæðir, stivlar, húgvu, vøttir... Bara leypa avstað í skóm og tunnum jakka ella troyggju - fantastiskt! Og gevandi; at kunnu merkja sín kropp betri, uttan at verða pakkað/ur inn í øll møgulig klæðir, gevur sera nógva sansaliga stimbran, sum vit hava tørv á. Nú manglar bara bakandi sólin ;) 

 

Apríl :)

Í apríl hava vit sum vant gjørt alt møguligt, ss. verið túr niðdri í Grasagarði, har vit royndu okkum í stórum rutsjibana, trampolin og klintristativi. Vit hava eisini verið túr niðri við Sandá, har vit trampaðu og trampaðu, men onki trøll úr Bukkunum Brúsa kom - tíbetur ;) Spæliplássið á Norðurstýggjur á Argjum, fekk eisini vitjan av okkum, har vit aftur klintraðu, reiggjaðu og ordiliga royndu okkum av, og seyðurin hevur heldur ikki í apríl verið forsømdur av okkum :D Vit eru meira og meira úti og njóta deiliga várveðrið!

 

Mars :)

Vælkomið mars og várið! Komið og hyggið eftir nøkrum av tí, sum vit hava gjørt, nú várið spakuliga vísir seg :)

 

Februar :)

So komu vit inn í februar og lýggari veður, enntá deiligar (tó kaldar) sóldagar :D Vit hava sum vant gjørt mangt og hvat; ma. verið túr niðri á Bókasavninum, spælt úti í garðinum og inni við alt møguligt. Hoyngikoyggjan hevur verið frammi fleiri ferðir, vit hava knoðað spælideiggj, sum eisini endaði í hárinum hjá onkrum ;) vit hava gjørt klárt til føstulávint, blást fjarðar, sum var soooo stuttligt, lisið søgur, etið uttanfyri, ja, sum sagt: mangt og hvat :)